O percorrido pódelo realizar tanto en dirección Pontecesures-Vilanova de Arousa como á inversa. O grao de dificultade é baixo, xa que discorre case todo a nivel do mar. Podes completalo nunha única etapa -que se pode realizar nunha única xornada -, ou dividilo nos dous tramos que prefiras.

Dá igual a opción que escollas. O máis importante é que terás a posibilidade de coñecer toda a información sobre o percorrido e aos distintos lugares de interese -tanto principais como secundarios e, incluso, recomendados-. Unha oportunidade única para descubrir todo o que Mar de Santiago agocha alén de ser o territorio polo que pasaron os restos do Apóstolo no seu camiño a Santiago, dando lugar á Traslatio e ao fenómeno das peregrinacións a Compostela.