Monumento a Valle-Inclán

Na Praza do Castro, moi preto do porto Mar de Santiago, temos o Monumento a Ramón María del Valle-Inclán, un dos autores clave da literatura de todo o século XX e veciño máis ilustre da localidade mariñeira de Vilanova de Arousa.

O monumento consta dun fermoso conxunto escultórico composto por cinco pezas elaboradas en bronce, de 1,75 metros de altura. No punto central atópase a estatua do propio Valle-Inclán e, rodeándoa, a representación de escenas e personaxes dalgunhas das súas obras máis famosas: Max Estrella e don Latino, O Marqués de Bradomín, O príncipe Verdemar, Lucero e Mari Gaila.