Turismo gastronómico
Bateas de mexillón
1.
Os mexillóns en Vilanova e as súas receitas locais
Vilanova de Arousa conta cun dos principais parques de produción de mexillóns de Galicia, con centos de bateas repartidas nas súas augas, que se poden divisar case desde calquera punto da costa, e que son un aceno de identidade máis do municipio. Nos numerosos restaurantes desta vila mariñeira é posible degustar este produto local, máis fresco que en ningún outro lugar, a un prezo excelente e en diferentes elaboracións, desde ao vapor ata en escabeche ou empanadas.
Cata de augardentes
2.
Os augardentes en Valga
A caña do país de Valga, que se elabora en todas as parroquias deste municipio seguindo técnicas de destilado tradicionais herdadas de xeración en xeración, é unha das augardentes mellor valoradas de Galicia. Coincidindo coa Festa da Anguía, celébrase tamén unha mostra deste licor, na que se poden degustar as elaboracións dos mellores cañeiros do municipio.
Lamprea á bordelesa
3.
A festa da lamprea en Pontecesures e a súa oferta culinaria local
A lamprea é o prato gastronómico máis emblemático de Pontecesures. Este pescado, que leva centos de anos capturándose no río Ulla seguindo técnicas de pesca ancestrais, elabórase á bordalesa, unha receita tradicional que inclúe elaboralo co seu propio sangue. Entre finais de abril e principios de maio dedícaselle unha festa gastronómica, na que se instala unha gran carpa á que acudir a probar as súas diferentes elaboracións.
Degustación en la fiesta de la Anguila
4.
A festa da anguía de Valga
Ademais da lamprea, no río Ulla pode atoparse outro manxar cuxa elaboración é típica en Valga: a anguía. Ademais de degustalas nos diferentes restaurantes e casas de comidas do municipio, cada última fin de semana de agosto celébrase unha festa gastronómica para enxalzar este delicioso pescado, que inclúe concurso de tapas, xogos infantís e actuacións musicais.
