Fervenzas e Muíños de Parafita e Raxoi

Localizado entre os núcleos de Parafita e Raxoi que lle dan nome, trátase dun estreito e accidentado canón polo que baixan con forza as augas do río Valga formando continuos saltos e fervenzas. Na súa contorna atopamos diversos muíños, pasarelas e pontes de madeira que forman unha fermosa paisaxe fluvial incrustada nun típico bosque de ribeira.
Sen dúbida serán os meses máis húmidos os ideais para percorrer esta paraxe, especialmente no outono, cando o bosque empeza a cambiar de cor e os musgos e fentos cobran todo o seu vigor.