Bateas de mexillóns

A economía de Vilanova, como en xeral a de toda a comarca, xirou desde antigo sobre a pesca, xa que desde o s. XVI esta era a gran provedora de pescado para Castela. Esta abundancia de materia prima propiciou o establecemento dunha puxante industria conserveira, a partir do s. XVIII.

Actualmente, boa parte da economía do municipio segue vinculada á pesca e ao marisqueo, moi especialmente á cría do mexillón que se realiza nos centenares de bateas que se poden ver ao longo de toda a costa. Non é estraño, entón, que esta vila mariñeira sexa considerada unha das principais zonas de produción de Galicia deste bivalvo, que posúe ademais o selo DOP Mexillón de Galicia.