Praia O Terrón

Vilanova de Arousa conta cunha extensa costa de aproximadamente 14 quilómetros de lonxitude. Nela encontramos, entre outras, a tranquila praia do Terrón, que se encontra unida ao Porto de Vilanova de Arousa por unha cómoda pasarela peonil que fai moi sinxelo achegarse ao areal tanto andando como en bicicleta.

Ten unha extensión de aproximadamente 3 quilómetros de area dourada e fina e as súas augas tranquilas convértena nun espazo perfecto para gozar en familia, ademais de moi accesible pola súa proximidade ao casco urbano.