Festa da Lamprea

Festa gastronómica na que, desde 1996, se exalta a lamprea do río Ulla. Celébrase entre finais de marzo e principios de abril, coincidindo coa romaría do domingo de San Lázaro. A festa lévase a cabo tanto na carpa gastronómica instalada na explanada do porto fluvial como en bares e restaurantes do centro urbano. Tradicionalmente, a lamprea prepárase con salsa bordelesa e sérvese acompañada de arroz e anacos de pan frito; pero tamén en empanada, reenchida, rebozada, á brasa etc.

O programa de actividades é amplo e variado e inclúe degustacións, unha ruta gastronómica polos distintos locais, charlas, concurso de tapas, actuacións musicais etc.