Casa da Lamprea e Praza de abastos

Situada nun anexo da Praza de Abastos, trátase dunha sinxela lonxa construída en 2017 para que os “valeiros” ou pescadores que se dedican á captura deste curioso “peixe” poidan facer as súas transaccións nun lugar adecuado.

Igualmente, conta con diversos materiais informativos como paneis, pantallas, fotografías, artes de pesca etc., que a converten nun atractivo centro de interpretación. Este é un dos puntos neurálxicos durante a celebración da Festa da Lamprea do Ulla.