Portada » Vive o mundo da lamprea de Pontecesures no teu Camiño a Mar de Santiago

Vive o mundo da lamprea de Pontecesures no teu Camiño a Mar de Santiago

BarcoLampreaPontecesures

Son moitas as persoas que deciden comezar o ano facendo o Camiño de Santiago. Tanto se vés polo Roteiro Portugués coma se xa chegaches a Compostela, convidámosche a que che achegues ao territorio de Mar de Santiago para descubrir o singular mundo da lamprea no municipio de Pontecesures.

Con cada inicio de ano comeza unha nova tempada da lamprea. A tempada adóitase estender, aproximadamente, ata os meses de abril ou maio. O primeiro exemplar, capturado aos poucos días de empezar a campaña, ficou na propia vila cesureña. Se no teu Camiño cara a Mar de Santiago atópasche cunhas pequenas barcas na zona do paseo fluvial de Pontecesures, poderás pararte a contemplar como os baleiros tentan pescar os primeiros exemplares da tamén chamada dama do Ulla.

BarcoLampreaPontecesures

A pesca da lamprea, un traballo artesanal e laborioso

En Mar de Santiago poderás descubrir as peculiaridades da pesca da lamprea en Pontecesures. Realízase a bordo, xa que noutros lugares faise desde terra. Para levar a cabo as capturas, utilízase un aparello chamado viturón ou butrón. Trátase dunha nasa de forma cónica que se lanza desde o barco á auga para despois ir tirando dos cabos. Este sistema permite que o exemplar capturado quede intacto, favorecendo que se manteña a súa textura e sabor. Un traballo artesanal e laborioso para recoller as prezadas lampreas, un dos peixes máis antigos do mundo.

LampreaPontecesuresPlazaAbastos

A Casa da Lamprea de Pontecesures

Para descubrir máis detalles sobre este singular peixe e toda a tradición que en Pontecesures hai ao redor del, convidámosche a que che achegues á Casa da Lamprea. Atópase xusto pegada á Praza de Abastos cesurá e conta con diverso material gráfico e audiovisual.

CasaDaLampreaPontecesures

Ademais, este é un dos puntos da Ruta da Lamprea. Este percorrido, que pasa polo territorio de Mar de Santiago, permíteche descubrir os principais lugares de Galicia nos que se pesca a lamprea. Leste discorre a beiras dos ríos Miño, Tambre e Ulla. Este último curso fluvial é o que marca a paisaxe de Mar de Santiago. Ademais de en Pontecesures, a lamprea tamén se pesca nos municipios de Valga e Catoira.

CartelRutaDaLamprea

A Festa da Lamprea

Na Casa da Lamprea tamén atoparás os carteis das distintas edicións da Festa da Lamprea. Esta exaltación gastronómica leva a cabo desde 1996 e adóitase celebrar entre os meses de marzo e abril.

Así que se visitas Mar de Santiago, durante ou despois de facer o Camiño, aproveita para degustar este exquisito peixe nas súas variadas receitas. E para completar a experiencia, desde Pontecesures poderás tomar o barco ata Vilanova realizando a Traslatio. Navegarás cara á Orixe das peregrinacións surcando o único Vía Crucis marítimo-fluvial do mundo.

Aproveita este segundo ano Xacobeo 21-22 para descubrir todo o que Mar de Santiago pódeche ofrecer!

Deixa unha resposta

O teu enderezo electrónico non se publicará