Miradoiro Faro das Lúas

Situado no monte Lobeira, camiño da súa parte máis alta, trátase dunha singular construción formada por unha especie de torre de pedra coroada por unha escultura metálica que representa as distintas fases da lúa. Ao incidir o sol sobre elas, proxectan un reflexo visible a moitos quilómetros de distancia. Unha escaleira exterior permite acceder á parte alta, desde a que se divisa a ría de Arousa e parte da comarca do Salnés. A área complétase con bancos e mesas de pedra, zona de arboredo etc.