Miradoiro de Beiro e muíño de dobre aspa

A pesar de non estar moi elevado, uns 140 m, a súa localización estratéxica permítenos gozar dunha ampla e vistosa panorámica da desembocadura do Ulla na ría de Arousa. Desde aquí podemos contemplar boa parte da paisaxe, coa Serra do Barbanza, os montes de Oleirón, Meda e Xesteiras.

Nesta zona de piñeiral con pequenas rutas e zonas de merendeiros, destaca un antigo muíño de vento restaurado e que dá mostra da importancia deste tipo de construcións na economía de Valga sendo un exemplo de aproveitamento tradicional das enerxías renovables.