Igrexa románica de San Xulián de Requeixo

Como adoita ser habitual, levantouse sobre un antigo castro, Castro Cessuris, por mandato do bispo Xelmírez. As obras finalizaron en 1116 e constaba dunha soa nave rectangular, de perpiaño e moi sobria.

A pesar de sufrir diversas reformas, consérvase boa parte da súa orixe románica como se aprecia nos doce modillóns entre os que destacan as cabezas de dous monstros ou a figura dun home sentado que se tapa as súas partes coas mans.

Ao igual que en boa parte das igrexas rurais galegas, o cemiterio localízase dentro do recinto do adro.